Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

13.02.2019г. Літаратурная гадзіна «Пазнавальная краіна байкі Крылова»

У філіяле «Алекшыцкая сельская бібліятэка» прайшла літаратурная гадзіна «Пазнавальная краіна байкі Крылова» з праглядам мультымедыйнай прэзентацыі па творчасці І.А. Крылова. Падлеткі пазнаёміліся з жыццём і творчасцю пісьменніка, з цікавымі фактамі яго біяграфіі. Яны былі здзіўлены тым, што Крылоў  працаваў бібліятэкарам у Публічнай бібліятэцы Пецярбурга. Успамінаючы байкі Крылова, юныя чытачы казалі пра тое, што яны вучаць дабру, працавітасці, сумленнасці і высмейваюць ляноту, глупства, прагнасць. Закончылася сустрэча правядзеннем віктарыны, удзельнікі атрымалі прызы.