Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

23.08.2019г. Свята “Бульба-МЭБ”

Філіял “Малабераставіцкая інтэграваная сельская бібліятэка” прыняла актыўны ўдзел у свяце “Бульба-МЭБ”: свята бульбы, працы і людзей. На бібліятэчнай пляцоўцы “Кніжная хваля” была арганізавана выстава літаратуры “Вогненныя гады Беларусі” і фотагалерэя “Беларусь памятае”, да 75-годдзя вызвалення Беларусі; хроніка-дакументальная экспазіцыя “Край, у якім я жыву” і “Гродзенская вобласць - юбіляр!”, да 75-годдзя ўтварэння Гродзенскай вобласці і Бераставіцкага раёна. Таксама прайшоў паэтычны батл “Ах, бульбачка, бульба”, літаратурныя конкурсы “Кнігу чытаеш — ніколі не галадаеш” і віктарына “Усё пра бульбу”. Усім удзельнікам былі раздадзены інфармацыйныя буклеты “З гісторыі бульбы”.