Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

23.10.2019г. Урок-бяседа "За здаровы лад жыцця"

У філіяле “Пархімаўская інтэграваная сельская бібліятэка” прайшла сустрэча аматарскага аб’яднання “Нехварэйка” па тэме “За здаровы лад жыцця”. Гутарка вялася пра ўласную гігіену, правільнае харчаванне, дрэнныя звычкі і выкананне распарадку дня. Дзеці з захапленнем складалі працяг казкі пра карыснае харчаванне. Пра абавязковае чаргаванне працы і адпачынку адказ быў знойдзены ў вершы з пераблытанымі радкамі, якія патрэбна было раставіць паслядоўна. У канцы мерапрыемства дзецям былі ўручаны памяткі па фарміраванню звычак да здаровага ладу жыцця.