Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

25.10.2019г. Прэзентацыя кнігі Мікалая Пацэнкі “Доўгія вёрсты вайны”


У Бераставіцкай раённай бібліятэцы імя Кавалеўскага адбылася прэзентацыя кнігі Мікалая Пацэнкі “Доўгія вёрсты вайны”. Выхад кнігі прымеркаваны да 75-годдзя вызвалення Беларусі і Бераставіцкага раёна ад нямецка-фашысцкіх захопнікаў. На імпрэзу запрасілі навучэнцаў сельскагаспадарчага ліцэя, супрацоўнікаў бібліятэк раёна і чытачоў раённай бібліятэкі.
З уступным словам выступіла супрацоўнік аддзела абслугоўвання і інфармацыі раённай бібліятэкі І.К. Рожка і коратка пазнаёміла прысутных з творчай біяграфіяй аўтара кнігі, які адначасова з’яўляецца рэдактарам-укладальнікам раённай кнігі “Памяць”. За гэту працу ён быў удастоены прэзідэнцкай прэміі “За духоўнае адраджэнне”.  Мікалай Іванавіч Пацэнка расказаў прысутным аб рабоце над кнігай, адзначыў, гэта кніга – вынік калктыўнай працы многіх людзей: журналістаў “Бераставіцкай газеты”, работнікаў аддзела ідэалагічнай работы, культуры і па справах моладзі райвыканкама, музея Вавёркі і іншых, адказаў на пытанні ўдзельнікаў мерапрыемства.   На прэзентацыі выступіла дырэктар раённай бібліятэкі імя В.М. Кавалеўскага Т.Д. Марцішэвіч, якая выказала сваё меркаванне аб прачытанай кнізе.  Жыхары Вялікай Бераставіцы М.В. Маскальчук і Т.М. Якімовіч падзяліліся сваімі ўспамінамі і ўражаннямі аб падзеях Вялікай Айчыннай вайны.