Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

14.11.2019г. Інфармацыйна-прававая гутарка “Я – малады выбаршчык”

У філіяле "Малабераставіцкая інтэграваная сельская бібліятэка" прайшла інфармацыйна-прававая гутарка “Я – малады выбаршчык”. Гутарка пачалася ля выставы пад назвай “Насустрач сваёй будучыні”, дзе для моладзі быў праведзены экскурс ў гісторыю станаўлення выбарчага права. Удзельнікам сустрэчы былі растлумачаны такія паняцці як “грамадзянін”, “права”, “выбаршчык”. Падчас гутаркі юнакі праявілі актыўную жыццёвую пазіцыю, правялі бурнае абмеркаванне палітычнай сітуацыі ў нашай краіне. Дадзенае мерапрыемства было накіравана на прыцягненне моладзі да ўдзелу ў выбарах і павышэнне даверу маладых выбаршчыкаў да інстытуту выбараў.