Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.
         

15.10.2016 г. Вечар віншаванняў "Пад зоркай Маці!"

У Бераставіцкай раённай бібліятэцы імя В.М.Кавалеўскага адбыўся вечар віншаванняў “Пад зоркай Маці!” для ўдзельнікаў жаночага клуба “Паклічу сяброў”, прысвечаны  Дню Маці і Святу Пакрова Прасвятой Багародзіцы. 

З прывітальным словам да ўдзельнікаў імпрэзы звярнулася дырэктар райбібліятэкі. На мерапрыемства запрасілі прыёмную маці, якая з’яўляецца адначасова вялікім аматарам паэзіі. Яна расказала прысутным аб сваёй сям’і і прачытала вершы, прысвечаныя жанчыне-маці. Супрацоўнікі бібліятэкі падрыхтавалі для жанчын паэтычна-музычны калаж “Спеў матулі маёй трапяткім жаўруком прарастае ў блакіце высокім”, падчас якога прагучалі вершы, рамансы і песні.  Акрамя гэтага, бібліятэкары пазнаёмілі прысутных з гісторыяй свята Пакрова Прасвятой Багародзіцы і традыцыямі, абрадамі і прыметамі, якія існуюць у гэты дзень. Імпрэза прйшла ў цёплай і ўтульнай атмасферы, якой спрыяла цудоўная музыка, якая гучала на працягу вечара.