02.10.2024г. Акцыя-віншаванне “Вам наша ўвага і клопат”

 Да Дня сталых  людзей  бібліятэкар філіяла “Масалянская інтэграваная сельская бібліятэка-клуб”  разам з культ-арганізатарам  правялі акцыю-віншаванне “Вам наша ўвага і клопат”. Людзі пажылога ўзросту пачулі пяшчотныя словы падзякі за шматгадовую добрасумленную працу, за іх мудрасць і сардэчнасць. А для лепшага настрою паспявалі ім вясёлыя частушкі.

02.10.2024г. Акцыя-пажаданне «Агарнуць цяплом і ласкай»

 Гучал пажаданні для пажылых людзей і ў філіяле «Пархімаўская ІСБ». У рамках дэкады "Залаты ўзрост" прайшла акцыя-пажаданне «Агарнуць цяплом і ласкай». Юныя чытачы таксама жадалі пажылым людзям моцнага здароўя, даўгалецця і, самае галоўнае, міру і спакою.у нашай краіне. 

01.10.2024г. Вечар-віншаванне “Людзі пажылыя – сэрцам маладыя”

Святочнае мерапрыемства, прысвечанае Дню пажылых людзей, адбылося ў Бераставіцкай раённай бібліятэцы імя В.М. Кавалеўскага. У ім прынялі ўдзел актыў раённых арганізацый Беларускага грамадскага аб'яднання ветэранаў, Беларускага таварыства інвалідаў і атрымальнікі паслуг тэрытарыяльнага цэнтра сацыяльнага абслугоўвання насельніцтва Бераставіцкага раёна. Ва ўтульнай атмасферы бібліятэкі за салодкім сталом з кубкамі духмянай гарбаты прысутных цёпла вітала дырэктар райбібліятэкі Святлана Станкевіч. Віншаванні са святам мудрасці і вопыту прагучалі для пажылых людзей ад старшыні раённага Савета ветэранаў Алены Сілковай і старшыні праўлення Бераставіцкай раённай арганізацыі ГА «БелАІ» Тамары Вялічкі, якія выказалі глыбокую падзяку пажылым людзям за іх вялікі ўклад у развіццё роднага краю. У госці да прадстаўнікоў старэйшага пакалення ў гэты дзень прыйшлі таксама спецыялісты Цэнтра банкаўскіх паслуг №412 у г. п. Бераставіца рэгіянальнай дырэкцыі па Гродзенскай вобласці ААТ “Белаграпрамбанк”, старшыня Бераставіцкай раённай арганізацыі Беларускага таварыства Чырвонага Крыжа Алена Філіповіч, начальнік аддзела загса Бераставіцкага райвыканкама Святлана Сцепанчук, першы сакратар райкама БРСМ Алена Карніловіч і валанцёры атрада «Добрае сэрца», якія таксама падрыхтавалі свае святочныя сувеніры для людзей «залатога ўзросту». Вядучая мерапрыемства-бібліятэкар чытальнай залы Бераставіцкай райбібліятэкі Данута Лагода падрыхтавала для гасцей свята цікавую і насычаную праграму з рознымі конкурсамі і віктарынамі. Пажылыя людзі з азартам і запалам ўключыліся ў інтэлектуальныя спаборніцтвы, дэманструючы сваю эрудыцыю і знаходлівасць, з задавальненнем чыталі любімыя вершы, дзяліліся ўспамінамі. Падчас свята пажылыя людзі спявалі любімыя мелодыі, шчыра атрымліваючы асалоду ад момантаў душэўнага яднання. Правядзенне падобных мерапрыемстваў ужо стала добрай традыцыяй. Бо яны дазваляюць пажылым людзям адчуць сваю значнасць, дораць ім радасць творчасці, напаўняюць сэрцы цеплынёй і аптымізмам.

01.10.2024г. Урок інфармацыйнай культуры для першакласнікаў “Экскурсія ў бібліятэку”

 1 кастрычніка ў філіяле “Малабераставіцкая інтэграваная сельская бібліятэка” прайшоў урок інфармацыйнай культуры для першакласнікаў “Экскурсія ў бібліятэку”. Бібліятэкар пазнаёміла сваіх маленькіх чытачоў з дзіцячым фондам, расказала пра выставы, для чаго яны арганізоўваюцца. Вучні даведаліся, як захоўваюцца кнігі, у якім парадку яны стаяць , як знайсці тую ці іншую кніжку. На наглядным прыкладзе паспрабавалі адшукаць патрэбны твор. Вялікую цікавасць выклікалі незвычайныя кніжкі: музычныя, казкі на магніціках і іншыя.

27.09.2024г. Литературный портрет «Великий мастер своего дела»

 27 сентября в филиале «Пархимовская ИСБ» прошёл литературный портрет  «Великий мастер своего дела», приуроченный к 120-летию со дня рождения  Н.А.Островского. Ребята слушали биографию писателя, чья недолгая жизнь послужила примером мужества, стойкости, беззаветного служения Родине.  По роману Н.А.Островского ставились спектакли, снимались фильмы. 

27.09.2024г. Агляд перыядычных выданняў “Скарбонка карысных парад”

27 верасня ў філіяле “Пагранічная сельская бібліятэка” прайшоў агляд перыядычных выданняў “Скарбонка карысных парад” для ўдзельніц аматарскага аб’яднання “ДИВО” у рамках дэкады "Залаты ўзрост". Як і ў многіх бібліятэках, у нашай бібліятэцы для шырокага кола чытачоў ёсць вялікая колькасць перыядычных выданняў. Гэта часопісы і газеты. На іх старонках можна знайсці вельмі шмат цікавага для сябе. Гавораць, што з узростам прыходзіць доўгачаканая мудрасць, якой часам так не хапае. Ці так гэта? Бібліятэкар прапанавала ўдзельніцам мерапрыемства прыемна правесці свой вольны час і падчас агляда перыёдыкі падзяліцца сваімі шматлікімі жыццёвымі ведамі і мудрымі парадамі.

27.09.2024г. Урок інфармацыйнай культуры «Чароўны свет бібліятэкі»

 27 верасня ў філіяле «Канюхоўская інтэграваная сельская бібліятэка» для чытачоў, вучняў пачатковых класаў мясцовай школы, прайшоў урок інфармацыйнай культуры «Чароўны свет бібліятэкі». Падчас мерапрыемства дзеці здзейснілі экскурсію па тэматычных выставах, арганізаваных у бібліятэцы, асвяжылі свае веды як правільна выбраць патрэбную кнігу і ў які тэрмін вярнуць яе ў бібліятэку.

27.09.2024г. Бібліякафэ «Бібліятэка. Сям'я. Інфармацыя»

27 верасня ў філіяле «Канюхоўская інтэграваная сельская бібліятэка» прайшло бібліякафэ «Бібліятэка. Сям'я. Інфармацыя». Падчас мерапрыемства ўдзельнікі пагрузіліся ў бібліятэчную атмасферу кніжнай інфармацыі, каштоўнасці сямейнага чытання і выказалі словы падзякі бібліятэцы за тое, што яна ёсць у іх родным аграгарадку.

27.09.2024г.Урок маральнасці “Адчыніце чароўныя дзверы ветлівасці”

 

Ветлівасць - адна з найважнейшых маральных якасцяў выхаванага чалавека. Не маючы навыкаў ветлівых зносін, цяжка зрабіць добрае ўражанне на навакольных. Таму вельмі важна з ранніх гадоў выхоўваць у дзецях добразычлівасць і чуласць. Для ўдзельнікаў аматарскага аб'яднання “Люстэрка”, у бібліятэцы прайшоў ўрок маральнасці “Адчыніце чароўныя дзверы ветлівасці”. Вучні яшчэ раз, паразважалі, што такое ветлівасць, як трэба паводзіць сябе ў грамадстве, школе, бібліятэцы і іншых месцах. Каго можна назваць ветлівым? Якія бываюць ветлівыя словы? Для замацавання пачутага матэрыялу, чыталі павучальныя творы, былі праведзены гульні “Ветлівыя людзі”, “Даскажы слоўца”, “Добра ці дрэнна”. Напрыканцы мерапрыемства дзеці зрабілі “кветку ветлівасці”, на пялёстках якой былі напісаны ветлівыя словы. Усе ўдзельнікі мерапрыемства прыйшлі да высновы, што менавіта дабрыня і ветлівасць збліжае людзей, таму як мага часцей трэба гаварыць адзін аднаму прыемныя словы.