28.04.2017г. Велікодныя сустрэчы

На базе філіяла па культурна-досугавай дзейнасці аг. Макараўцы прайшоў канцэрт фальклорных спеваў і тэатралізаваны абрад “Валоканне па-Макаравецку”. На мерапрыемства былі запрошаны пагранічнікі застаў “Сямёнаўка” і “Русакі”, якія на працягу даўняга часу супрацоўнічаюць з установамі культуры. Бібліятэкар філіяла “Лішкаўская сельская бібліятэка” Зоя Хлебнікава разам са сваімі чытачамі прыняла актыўны ўдзел у мерапрыемстве.


Прысутным быў паказаны сам абрад валокання. Сцэна была аформлена ў выглядзе сялянскай хаты, дзе гаспадыня прымала ў сябе валачобнікаў. Па-колькі  гэта было “Валоканне па-Макаравецку”, то ўсё дзеянне праходзіла на польскай мове. Польскія фальклорныя песні прыгожа спяваў народны калектыў “Стокроткі”, які дзейнічае пры філіяле.