Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.
         

24.11.2017г. Пазнавальная гадзіна "Я - грамадзянін Беларусі»

Бібліятэкары філіяла “Алекшыцкая сельская бібліятэка” наведалі Алекшыцкую сярэднюю школу, дзе правялі пазнавальную гадзіну па прафілактыцы правапарушэнняў "Я - грамадзянін Беларусі». Мэта мерапрыемства заключалася ў тым, каб падрабязна і даступна ў гульнявой форме расказаць падлеткам пра тое, што не трэба парушаць закон, якія наступствы могуць быць, з якога ўзросту падлетак нясе адказнасць за свае ўчынкі. Цікава і пазнавальна прайшла гульня «Вершы Міхалкова», дзеці, праслухаўшы вершы паэта, адказвалі на пытанні хто і як з герояў парушыў закон. Напрыканцы мерапрыемства ўсе ўдзельнікі атрымалі буклет «З агнём не жартуй».