![](https://blogger.googleusercontent.com/img/b/R29vZ2xl/AVvXsEhlDoC9I_a0HXY9s8UHkrUP7xuC-ESHVR7i5h8qW74iJ2hUZLbLtJD7nabNhwiccvH-6gzoRMkv7xV9twH8oiSQ7Rk5PH2hzbYTSt5nkLdLptrGI5fJ8SgzteBxCTzXBUkqinGyL2fRQKAH/s200/IMG_20180214_151146.jpg)
Супрацоўнікі Бераставіцкай раённай бібліятэкі імя В.М. Кавалеўскага правялі для навучэнцаў сельскагаспадарчага ліцэя гадзіну памяці “Салдаты Афганскай вайны”. Бібліятэкар коратка пазнаёміла дзяцей з гістарычнымі падзеямі вайны ў Афганістане, расказала аб тым, як мужна і прафесіянальна выконвалі свой воінскі абавязак нашы салдаты, як у вельмі цяжкіх умовах праяўлялі мужнасць і стойкасць. На імпрэзу запрасілі ветэрана вайны ў Афганістане, жыхара Вялікай Бераставіцы Сяргея Гладкага, які падзяліўся сваімі ўспамінамі аб той жорсткай вайне, расказаў аб сваіх баявых узнагародах і адказаў на пытанні дзяцей. На завяршэнне мерапрыемства ўсе прысутныя пазнаёміліся з літаратурай, прадстаўленай на кніжнай выставе “Вайна ў Афганістане” і паглядзелі дакументальны фільм “Афганістан”.
![](https://blogger.googleusercontent.com/img/b/R29vZ2xl/AVvXsEhjp0BnXZISLwxWi4qTjNdszwIFuVeBH6aVko2C5BUcaRvz2EbU2rG8ROC_wBzL6KT1dfkYYHBYOvSnIu8mgvaQgb3HRyfwr-bx6DIGrzOLv6leAiq3VRPIwSfzod_DfEJ0qr_Nca6n8NVd/s200/IMG_20180214_150821.jpg)