Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.
         

23.02.18 “Гісторыя арміі дзяржавы”

“Гісторыя арміі дзяржавы” – пад такой назвай прайшоў у раённай бібліятэцы імя В.М. Кавалеўскага гістарычны альманах, прысвечаны Дню абаронца Айчыны і 100-годдзю Ўзброеных сіл Рэспублікі Беларусь.

На мерапрыемства запрасілі навучэнцаў селькагаспадарчага ліцэя. Бібліятэкар коратка пазнаёміла дзяцей са старонкамі гісторыі арміі Беларусі, паведаміла аб устанаўленні ў Беларусі юбілейнага медалю “100 год Узброеным Сілам Рэспублікі Беларусь”, якім будуць узнагароджвацца ваенаслужачыя Ўзброеных Сіл Беларусі за высокія вынікі служэбнай дзейнасці, ветэраны Вялікай Айчыннай вайны і інш. На завяршэнне мерапрыемства дзеці пазнаёміліся з матэрыяламі кніжна-інфармацыйнай кампазіцыі “На варце Айчыны”.