Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.
         

1.03.2018г. Урок здароўя «Крок за крокам ад наркотыкаў»

У філіяле «Алекшыцкая сельская бібліятэка» прайшоў урок здароўя «Крок за крокам ад наркотыкаў» прымеркаваны да Міжнароднага дня барацьбы з наркаманіяй, які закліканы нагадаць грамадству аб сур'ёзнай праблеме нашага часу - праблеме наркаманіі. Адным з метадаў барацьбы супраць небяспечных звычак з'яўляецца праўдзівая інфармацыя пра іх. З гэтай мэтай у бібліятэцы аформлена тэматычная выстава. Прадстаўленыя на ёй матэрыялы распавядаюць наведвальнікам бібліятэкі пра небяспечныя для жыцця уздзеянні наркотыкаў на арганізм чалавека. Падчас мерапрыемства прысутныя даведалися як змяняецца чалавек, які ўжывае наркотыкі, як свет паступова выслізгвае ад яго і ён губляе сваю будучыню. Падлеткі змаглі больш даведацца пра ўплыў наркотыкаў на арганізм чалавека, крымінальнай адказнасці за прыняцце, захоўванне і збыт наркатычных сродкаў, навучыцца казаць «не», калі прапануюць паспрабаваць. Моцныя ўражанні ў дзяцей засталіся ад прагляду фільма «Последствия коаксила».