Напярэдадні Сусветнага дня
здароўя ў Бераставіцкай раённай бібліятэцы імя В.М. Кавалеўскага прайшоў Дзень
здароўя.
Да гэтай даты ў бібліятэцы была аформлена кніжная выстава “Галоўнае ў
жыцці – здароўе!”. Кнігі і перыядычныя выданні, прадстаўленыя на выставе,
зацікавілі ўсіх, хто неабыякава адносіцца да свайго здароўя. Бібліятэкар
правяла бібліяграфічны агляд літаратуры “Рэцэпты здаровага жыцця” і дала
падрабязную інфармацыю аб найбольш цікавых выданнях.
Для удзельнікаў клуба
маладых інвалідаў “Вясёлка дабра” супрацоўнікі бібліятэкі падрыхтавалі і
правялі пазнавальна-забаўляльную праграму “Будзьце здаровы!”. Маладыя людзі
актыўна ўдзельнічалі ў інсцэніроўках, конкурсах,
адказвалі на пытанні, адгадвалі загадкі, спявалі жартоўныя песні. Падарожжа ў
краіну “Здароўе” атрымалася вельмі вясёлым
і карысным і закончылася правядзеннем фізкультурнай размінкі для ўсіх
прысутных.
