Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

14.02.2019г. Акцыя-віншаванне “Валянцінка”

У Дзень святога Валянціна 14 лютага работнікі раённай бібліятэкі імя В.М. Кавалеўскага правялі акцыю-віншаванне “Валянцінка”. Бібліятэкары наведалі тэрытарыяльны цэнтр сацыяльнага абслугоўвання насельніцтва і павіншавалі наведвальнікаў аддзяленняў дзённага прабывання інвалідаў і дзённага прабывання грамадзян пажылога ўзросту са святам усіх закаханых - Днём святога Валянціна, пажадалі ўсім здароўя, радасці і цяпла.
 Кожны наведвальнік атрымаў святочную валянцінку – маленькую паштоўку-сюрпрыз у выгдядзе сэрца. Акцыя плаўна перайшла ў сардэчную і цёплую гутарку аб адным з самых старэйшых святаў, якое прысвячаецца галоўнаму цуду на свеце – каханню, і адзначаецца ўжо 16 стагоддзяў. Пажылыя людзі з задавальненнем паслухалі гісторыю аб святым Валянціне і ўзнікненні свята ўсіх закаханых.