Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

26.02.2019г. Конкурс прыказак і прымавак «Таямніца чароўнага слова»

Бібліятэкар філіяла "Канюхоўская інтэграваная сельская бібліятэка" правяла для дзяцей аматарскага аб'яднання "Чамучкі" конкурс прыказак і прымавак «Таямніца чароўнага слова». Маленькія "чамучкі" даведаліся, што прыказкі і прымаўкі перасцерагаюць, асуджаюць і павучаюць нас, таму што за імі стаіць мудрасць мінулых пакаленняў.