Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

28.02.2019г. Пасяджэнне аматарскага аб'яднання "Сустрэча"


 У філіяле «Алекшыцкая сельская бібліятэка» прайшло чарговае пасяджэнне аматарскага аб'яднання для пажылых «Сустрэча». Мерапрыемства прайшло не зусім звычайна, акрамя ўдзельнікаў аб'яднання, у госці мы запрасілі людзей пажылога ўзросту, якія пражываюць у аддзяленні кругласутачнага знаходжання для пажылых і адзінокіх аг.Алекшыцы.


Быў арганізаваны салодкі стол, спонсарам якога быў РСУП «Алекшыцы». За кубкам цёплага чаю, людзі прыемна размаўлялі, успаміналі свае маладыя годы, з задавальненнем слухалі і спявалі свае любімыя песні пад баян Вікторыі Бажко. Прайшлі цікавыя конкурсы і віктарыны: «Родавае дрэва», «Пачастуй суседа», «Смачныя рэцэпты», весела прайшла гульня «Старадаўнія рэчы». Акунуцца ў настальгію дапамагла тэматычная выстава "З дзяцінства бабуль і дзядуль», на якой былі прадстаўлены не толькі кніжныя выданні часоў маладосці нашых гасцей, але і дакументы,  якія прадстаўляюць на сённяшні дзень гістарычную каштоўнасць: партыйны білет, мандат, уліковая картка члена КПСС, узнагароды савецкіх часоў: медалі «За доблестный труд», «Ветеран труда» і іншыя. Усе жадаючыя маглі згуляць у настольныя гульні - шашкі, шахматы. Мерапрыемства завяршылася песняй «Многія лета».