Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

13.09.2019г. Святочны сход бібліятэкараў

У Бераставіцкай раённай бібліятэцы імя В.М. Кавалеўскага адбыўся святочны сход бібліятэкараў раёна, прысвечаны Дню бібліятэк Беларусі. Па даручэнню Бераставіцкага райвыканкама са словамі прывітання і віншавання выступіла намеснік начальніка аддзела ідэалагічнай работы, культуры і па справах моладзі А.Ц.Хоміч. Яна падкрэсліла важны ўклад бібліятэк не толькі ў культурнае, навуковае і эканамічнае развіцё краіны, у т. л. вобласці і раёна, але і ў фарміраванне маральных каштоўнасцей грамадства, захаванне культурнай спадчыны, асабліва адзначыла заслугі ветэранаў бібліятэчнай справы. У ходзе мерапрыемства А.Ц.Хоміч падзякавала ўсіх за работу і уручыла лепшым бібліятэчным работнікам граматы і падарункі. Святочнае мерапрыемства прадоўжыла музычна-забаўльная праграма, якую падрыхтавалі для прысутных супрацоўнікі раённай бібліятэкі.