Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

04.10.2019г. Экагадзіна “Хто жыве ў лесе?”

У філіяле “Малабераставіцкая інтэграваная сельская бібліятэка” прайшла экагадзіна “Хто жыве ў лесе?”. У самым пачатку падарожжа з удзельнікамі была праведзена бліц-віктарына на веданне правіл паводзін у лесе. Затым бібліятэкар расказала аб самых распаўсюджаных насельніках беларускіх лясоў. Весела прайшоў конкурс “Пацешныя звяркі”, дзе трэба было апісаць звяроў, так каб усе здагадаліся хто гэта. Наступным заданнем было намаляваць мядзведзіка ў “чатыры рукі”. Напрыканцы сустрэчы дзеці ўзгадалі правілы сяброў прыроды.