Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

12.11.2019г. Экспрэс-інфармацыя “Нам выбіраць"


Напярэдадні выбараў дэпутатаў у Палату прадстаўнікоў Нацыянальнага сходу Рэспублікі Беларусь сёмага склікання ў Бераставіцкай раённай бібліятэцы імя Кавалеўскага пажылым наведвальнікам была прапанавана экспрэс-інфармацыя “Нам выбіраць”.
З цікавасцю і ўвагай яны праслухалі інфармацыю аб рабоце участковых выбарчых камісій, аб участках для галасавання па Гродзенскай сельскай выбарчай акрузе №53, у межы якога ўключаны Бераставіцкі раён, аб кандыдатах у дэпутаты. Бібліятэкар пазнаёміла прысутных з матэрыяламі тэматычнай выставы “Насустрач выбарам”, якая працуе ў чытальнай зале раённай бібліятэкі. Затым усе разам абмеркавалі пытанне “Наш выбар – наш лёс”.