Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

02.12.2019г. Дзень інфармацыі “Паядынак са СНІДам”

Да Сусветнага дня прафілактыкі СНІД у Бераставіцкай раённай бібліятэцы імя В.М. Кавалеўскага адбыўся Дзень інфармацыі “Паядынак са СНІДам”. У рамках Дня інфармацыі супрацоўнікі раённай бібліятэкі арганізавалі акцыю “Стоп ВІЧ/СНІД!”, яны расказвалі жыхарам Вялікай Бераставіцы аб тым, што любы жадаючы можа прайсці тэст на ВІЧ і атрымаць кансультацыю аб прафілактыцы заражэння ў раённай паліклініцы. Бібліятэкары распаўсюджвалі сярод грамадзян інфармацыйныя матэрыялы, падрыхтаваныя аддзелам абслугоўвання раённай бібліятэкі: буклеты і лістоўкі “Асцярожна!!! СНІД”, “ВІЧ – вірус імунадэфіцыту чалавека”, “ВІЧ/ СНІД”, “Тэсціраванне на ВІЧ. Знай свой ВІЧ-статус”, “1 снежня – Сусветны дзень прафілактыкі СНІД”.


Дзень інфармацыі прадоўжыла бліц-інфармацыя для ўдзельнікаў раённага праекта “Школа лідэра”, падчас якой супрацоўнік бібліятэкі праінфармавала прысутных аб асноўных мерах прафілактыкі ВІЧ-інфекцыі і метадах яе дыягностыкі, пазнаёміла з матэрыяламі па прафілактыцы ВІЧ/СНІД, прадстаўленымі на кніжна-інфармацыйнай кампазіцыі “Стоп! СНІД”.