Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

30.01.2020г.Кніжная выстава “Сэрцам роднага краю краніся”


Да Года малой радзімы ў філіяле “Малабераставіцкая інтэграваная сельская бібліятэка” дзейнічае кніжна-дакументальная экспазіцыя “Сэрцам роднага краю краніся”. На беларускай зямлі нарадзілася шмат таленавітых людзей, і нам ёсць, кім ганарыцца. У кожнага чалавека ёсць свая "малая радзіма" - месца, дзе ён нарадзіўся і вырас: яго дом, яго край. Для нас такой "малой радзімай" з'яўляецца наш Бераставіцкі раён і вёска Малая Бераставіца ў тым ліку. Кожны жыхар павінен не толькі ведаць гісторыю свайго краю, але і людзей, якія гэты край праславілі і праслаўляюць. Наведвальнікі пазнаёміліся з біяграфіямі знакамітых землякоў, з архітэктурнымі помнікамі і старажытнай гісторыяй маляўнічых куточкаў Бераставіччыны.