Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

31.01.2020г. Кніжная выстава, бібліяграфічны агляд “Жыцця глыбінныя віры”

На працягу месяца ў філіяле “Малабераставіцкая інтэграваная сельская бібліятэка” дзейнічала юбілейная кніжная выстава “Жыцця глыбінныя віры”, прысвечаная 80-годдзю з дня нараджэння Леаніда Дайнекі. Удзельнікі мерапрыемства пазнаёміліся з жыццём і творчасцю беларускага пісьменніка, паэта, аўтара твораў на гістарычную тэматыку. Была праведзена гутарка-агляд аб творчай спадчыне паэта ў форме імправізаванай дыскусіі, і аб тым часе, калі развівалася творчасць Дайнекі.