Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

21.02.2020г. Гучныя чытанні “Родная мова – гэта стылёва”


21 лютага ў філіяле “Алекшыцкая сельская бібліятэка” у Міжнародны дзень роднай мовы, для вучняў пачатковых класаў Алекшыцкай сярэдняй школы, у рамках акцыі “Чытаем разам”, прайшлі гучныя чытанні “Родная мова – гэта стылёва”. Юным чытачам была прэзентавана кніжная выстава “Багацце мовы ў кожным творы”. Бібліятэкар расказала вучням пра шлях станаўлення беларускай мовы ад Ф.Скарыны да сучасных пісьменнікаў. Пасля дзеці прачыталі вершы: І.Муравейка “У кнігарні”, “Сваімі рукамі”, “Бацькава шапка”; Т.Мушынскай “Вожыкі ў футбол гуляюць”; Г.Аўласенка “Сябрук”; Т. Дамаронак “Сунічныя цуды” і іншыя. У канцы мерапрыемства прыйшлі да выніку: у свеце шмат моў, у кожнага народа – свая. Правільна гаварыць і пісаць на роднай мове - значыць умець разважаць і выказваць свае думкі. Таму родную мова трэба ведаць і берагчы.