Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

20.03.2021г. Прагляд і абмеркаванне відэафільма «Попел Хатыні»

У філіяле «Канюхоўская інтэграваная сельская бібліятэка» да Дня памяці Хатынскай трагедыі прайшоў прагляд і абмеркаванне відэафільма «Попел Хатыні». Вось ужо некалькі дзесяцігоддзяў гісторыя невялікай беларускай вёсачкі з’яўляецца сімвалам жорсткасці і нялюдскасці. Нашаму падрастаючаму пакаленню невядомы  тыя страты, якія панесла чалавецтва ў гады Вялікай Айчыннай вайны. І каб зразумець спадчыну, што дасталася нам ад дзядоў, а тым больш зберагчы тое, што ёсць – трэба ведаць гісторыю свайго края, асабліва спыняючыся на трагічных момантах, каб не дапусціць паўтарэння гэтага зноў. Бібліятэкар расказала пра трагічны лёс вёскі Хатынь, пра людзей, якіх бязлітасна спалілі ў агні. У ходзе віртуальнага падарожжа дзеці мелі магчымасць уявіць сабе, як выглядае мемарыяльны комплекс.