Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

31.03.2021г. Краязнаўчая гульня-падарожжа “Маленькім беларусам пра любую Беларусь”

У філіяле “Алекшыцкая сельская бібліятэка” прайшла краязнаўчая гульня - падарожжа “Маленькім беларусам пра любую Беларусь”.  Разам з чароўнай Феяй дзеці адправіліся у краязнаўчае падарожжа па Беларусі. Дзеці з задавальненнем удзельнічалі ў віктарыне “Што вырабляюць нашы прадпрыемствы?”, адгадвалі крыжаванку, чыталі вершы пра Беларусь і Бераставіцу. З расказа бібліятэкара прысутныя даведаліся хто такія: Францыск Скарына, Кірыла Тураўскі, Еўфрасіння Полацкая, Янка Купала і Якуб Колас.

Пабывалі на завочнай экскурсіі ў Нацыянальнай бібліятэцы Беларусі, на заводзе БЕЛАЗ. Адправіліся ў Белавежскую пушчу, дзе пазнаёміліся з яё жыхарамі і гаспадаром пушчы – магутным волатам зубрам. Пазнаёміліся з кніжкамі, у якіх расказваецца пра нашу Беларусь, яе традыцыі і звычаі, адведалі прысмакі беларускай кухні. Дзеці вельмі стараліся , расказвалі ўсё што ведалі пра сваю Радзіму, ім вельмі хацелася, каб чароўная Фея выбрала менавіта яе – нашу любую Беларусь. І яна згадзілася на бліжэйшыя сто гадоў ахоўваць нашу краіну, калі мы ўсе разам будзем ёй у гэтым дапамагаць. Падчас мерапрыемства бібліятэкар звярнула ўвагу дзяцей на кніжную выставу, прысвечаную Году народнага адзінства “ Адзінства народа – мір і згода”, на якая складалася з наступных раздзелаў: “Гонар і талент твой Гродна”, “Зямля бераставіцкая, бацькоўскі дом”, “Турыстычнымі маршрутамі Гродзенскай вобласці”.