У Бераставіцкай раённай бібліятэцы імя В. М. Кавалеўскага
для вучняў 5 “В” класа прайшла гадзіна прававых ведаў “Па законах дарослага
жыцця”, прысвечаная Міжнароднаму дню правоў чалавека, які адзначаецца 10
снежня. Менавіта ў гэты дзень у 1948 годзе Генеральная Асамблея Арганізацыі
Аб’яднаных Нацый прыняла Усеагульную дэкларацыю правоў чалавека. Падчас сустрэчы бібліёграф нагадала прысутным асноўныя
міжнародныя дакументы, якія вызначаюць правы і свабоды кожнага жыхара планеты.
Юнакі з цікавасцю слухалі гісторыю стварэння Усеагульнай Дэкларацыі Правоў
Чалавека і Канвенцыі аб правах дзяцей, азнаёміліся з асноўнымі артыкуламі
правоў і абавязкаў. Таксама прагучала інфармацыя аб неабходнасці павагі і
захавання правоў кожным грамадзянінам краіны. Больш даведацца аб правах дзіцяці
і замацаваць атрыманыя веды дзецям дапамаглі сітуатыўныя гульні, віктарыны і
крыжаванкі.
