Фёдар
Міхайлавіч Цівунчык (Арлоў)
(1878
– 1953)
Савецкі ваеначальнік, палкоўнік,
удзельнік чатырох войнаў: руска-японскай, Першай сусветнай, грамадзянскай у
Расіі і Вялікай Айчыннай. Нарадзіўся ў в. Цецяроўка Ваўкавыскага павета
Гродзенскай губерніі ў 1878 г .
З 1899 па 1905 служыў радавым у Гвардзейскім уланскім палку царскай арміі,
потым прымаў удзел у руска-японскай вайне, у чыне ўнтэр-афіцэра ўдзельнічаў у
Першай сусветнай вайне. Пасля Кастрычніцкай рэвалюцыі стаў чырвоным
камандзірам. Вясной 1918 г .
стаў камісарам Кубанскага войска. У 1921 г .
– камандуючы Харкаўскай ваеннай акругі. У 1923 г . – памочнік
камандуючага войскамі Ўкраіны. З 1924 па 1931 гг. па стану здароўя знаходзіўся
ў рэзерве РСЧА. 1931—1935 гг. – намеснік начальніка асобага канструктарскага
аддзела ваенна-тэхнічнай прапаганды РСЧА. У 1938 г . камандарм 2-га рангу
запасу Арлоў па стану здароўя быў звольнены з радоў Чырвонай Арміі. 1938 —1941
гг. – намеснік начальніка 7-га аддзела завода № 1 Галоўнага артылерыйскага
ўпраўлення РСЧА. З ліпеня 1941
г . Ф. М. Арлоў – камандзір роты 6-й дывізіі народнага
апалчэння, удзельнічаў у фарміраванні 160-й стралковай дывізіі, якую ўзначаліў
са снежня 1941 г .
Вайну скончыў у званні палкоўніка. За баявыя заслугі камадзір Арлоў быў
узнагароджаны трыма ордэнамі Чырвонага Сцяга (1920 г ., 1942 г ., 1944 г .) і Ордэнам Айчыннай
вайны І ступені (1943 г .), Ордэнам Леніна (1946) і медалямі СССР.
Бібліяграфія:
1. Цівунчык Феафіл Міхайлавіч (Арлоў Фёдар Міхайлавіч) // Памяць: гіст.-дакум. хроніка Бераставіцкага р-на. – Мінск: БЕЛТА, 1999. – С. 121.
2. Турок, Л. Камдзіў Арлоў – наш зямляк / Людміла Турок // Бераставіцкая газета. – 2018. – 3 чэрвеня.
3. Горицкий В. А. Великая Отечественная война 1941—1945 годов в названиях улиц Москвы. — М.: ОАО "Московские учебники и картолитография", 2005. — С. 74.
4. Орлов Фёдор Михайлович — Бессмертный полк – Москва: [Электронный ресурс]. URL: http://www.polkmoskva.ru/people/754615/. — Дата обращения: 29.06.2019.
5. Комдив Орлов — забытый герой: [Электронный ресурс]. URL: http: //fb.ru/article/403365/komdiv-orlov---zabyityiy-geroy. — Дата обращения 29.06.2019.