Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.
         
      Дэманстрацыя кінафільмаў на Беларусі пачалася ў канцы 19 ст., а ў пачатку 20 ст. дзейнічала ўжо 58 кінатэатраў. З 1946 года пачала сваю дзейнасць кінастудыя «Беларусьфільм». Важным напрамкам развіцця кінамастацтва Беларусі стала экранізацыя вядомых твораў беларускай літаратуры. Кінематограф здаўна сілкуецца літаратурай, чэрпаючы з яе тэмы і сюжэты, сітуацыі і герояў.

Іван Мележ "Людзі на балоце"

«Лю́дзі на бало́це»  беларускі мастацкі фільм, зняты ў 1981 годзе рэжысёрам Віктарам Туравым па аднайменным рамане Івана Мележа. Асноўная сюжэтная лінія фільма — прыход савецкай улады ў глухую вёску, згубленую сярод палескіх балот. Дзеянні адбываюцца ў беларускай вёсцы Курані, дзе здзяйсняецца драма жыцця і кахання галоўных герояў. Не прачытаўшы "Людзей на балоце", сапраўды немагчыма спасцігнуць душу беларуса, ягоны нацыянальны характар, мары і памкненні.


Уладзімір Караткевіч «Дзікае паляванне караля Стаха» 
«Дзікае паляванне караля Стаха» — містычначная драма па матывах аповесці Уладзіміра Караткевіча. Падзеі  адбываюцца ў канцы 80-х гадоў ХІХ стагоддзя, Вучоны-фалькларыст Андрэй Беларэцкі (галоўны герой) трапляе ў маёнтак Балотныя Яліны, дзе становіцца сведкам самых незвычайных здарэнняў. Уладальніцай маёнтка з'яўляецца апошняя прадстаўніца калісьці магутнага роду Надзея Яноўская. Па начах у доме бачаць Малога Чалавека і Блакітную Жанчыну, прадвеснікаў смерці кагосьці з роду Яноўскіх. Страх на ўсё наваколле наганяе дзікае паляванне караля Стаха, падчас якога быў забіты бацька Надзеі. Беларэцкі вырашыў раскрыць таямніцу гэтых з'яў і дапамагчы ўладальніцы Балотных Ялін. 

Алесь Адамовіч "Ідзі і глядзі"
«Ідзі і глядзі » -  мастацкі фільм рэжысёра Элема Клімава, зняты ў жанры ваеннай драмы па кнізе Алеся Адамовіча. Дзеянне карціны разгортваецца на тэрыторыі Беларусі ў 1943 годзе. У цэнтры сюжэту - беларускі хлопчык, які становіцца сведкам жахаў нацысцкай карнай акцыі , на працягу двух дзён ператвараючыся з жыццярадаснага падлетка ў сівога старога. Фільм быў адзначаны ўзнагародамі на некалькіх буйных кінафестывалях і заняў шостае месца ў савецкім кінапракаце 1986 года: яго прагледзелі 29,8 млн гледачоў.