У філіяле
“Малабераставіцкая інтэграваная сельская бібліятэка” для ўдзельнікаў літаратурнага
кружка “Знайка” прайшоў дзень экалагічнай кнігі “У экалогію праз кнігу”. Юныя
чытачы прынялі ўдзел у турніры знаўцаў прыроды. “Лясныя хованкі”, “Чахарда з ляснымі
жывёламі”, “Кошкі-мышкі”, “Чэпушынкі лесу”, “Лясныя даганялкі”, вось тое, што чакала дзяцей у розных турах. Разгадалі шмат цікавых загадак пра жыхароў
лесу. Разам з бібліятэкарам
ўспомнілі пісьменнікаў-натуралістаў К.Паўстоўскага, Б.Жыткова, В.Біянкі, М.
Прышвіна, Э.Шыма, У.Ягоўдзіка і пазнаёміліся з іх творамі. З апавяданнямі гэтых пісьменнікаў знаёма не
адно пакаленне чытачоў, яны вучаць любіць і берагчы прыроду. На
прыканцымерапрыемства бібліятэкар пажадала: “Будзьце на зямлі гаспадарамі, але
беражыце кожную былінку, кожную маленькую букашачку! Вывучайце і любіце
прыроду!”.
