У філіяле “Малабераставіцкая
інтэграваная сельская бібліятэка” да адзінага дня бяспекі прайшла інфармацыйная хвілінка “Правілы нашай бяспекі”. Наведвальнікі бібліятэкі пазнаёміліся
з асноўнымі правіламі бяспечных паводзін на вуліцы, пры сустрэчы з незнаёмымі
людзьмі, на дарозе, дома, а таксама з правіламі пажарнай бяспекі. Юныя госці
бібліятэкі ў гульнёвай форме вучыліся бяспечным паводзінам у сітуацыях, якія
ўзнікаюць у паўсядзённым жыцці, вучыліся правільна дзейнічаць у выпадку іх
узнікнення. Вучні адгадвалі загадкі, адказвалі на пытанні віктарыны “Вулічныя
эрудыты”, “Дарожная азбука”, “Адзін дома”, “Юны выратавальнік”. У літаратурнай
віктарыне “Казачны транспарт” удзельнікі ўспаміналі казкі, дзе парушэнне АБЖ
прывяло да сумных наступстваў.