У чытальнай зале Бераставіцкай раённай
бібліятэкі адкрыта выстава,
прысвечаная 85-годдзю з дня нараджэння беларускага паэта-земляка Івана
Антонавіча Леткі (1935—1999), члена Саюза пісьменнікаў СССР. Бібліятэкары
падрыхтавалі кніжную выставу з прыжыццёвымі зборнікамі вершаў паэта, а таксама
новымі выданнямі яго твораў: паэма “Каліноўцы”, “Балада пра чорны камень”.
Хараство прыроды, паэтызацыя працы, гісторыя і сучаснасць — асноўныя матывы
лірыкі паэта. Летка любіў родны край і прысвяціў яму такія вершы: “Добры дзень
Масаляны!”, “Я павешу замок”, прысвечаны Вялікай Бераставіцы. Сярод літаратуры можна азнаёміцца з
“Бераставіцкай газетай” за 4.06.2011 года, якая паведамляе пра раённае свята,
прысвечанае Івану Летке. Гэта першы адкрыты раённы фестываль паэзіі
“Масалянскія салаўі — 2011”,
дзе ганаровым госцем была Алена Касцяневіч, якая з’яўляецца роднаю сястрою
паэта. Літаратурны талент Івана Леткі адзначаны ў такіх даведніках як “Энцыклапедыя
літаратуры і мастацтва Беларусі”, “Бібліяграфічны слоўнік беларускія
пісьменнікі”, “Людзі культуры з Гродзеншчыны”, гісторыка-дакументальная хроніка
“Памяць. Бераставіцкі раён”.
