У філіяле “Малабераставіцкая інтэграваная сельская бібліятэка” прайшла інфармацыйная гадзіна “СНІД без міфаў і ілюзій”, прысвечаная да Сусветнага дня барацьбы са СНІДам. Бібліятэкары пастараліся данесці да ўдзельнікаў думку, што праблема ВІЧ датычыцца сёння кожнага. ВІЧ пранікае ў кроў, паражае лімфацыты, імунітэт слабее і знікае зусім. І тады ўжо з'яўляецца СНІД. Каб выжыць і паменшыць рызык захворвання гэтай страшнай хваробай, неабходна ведаць аб яе развіцці, шляхах заражэння і лячэнні. Нездарма кажуць - папярэджаны, значыць узброены. Наведвальнікам было прапанавана адказаць на пытанні віктарыны “Што я ведаю пра СНІД”. А на прыканцы ўдзельнікі мерапрыемства прынялі ўдзел у конкурсе “Анаграма”.
