01.12.2021г. Інфармацыйны дайджэст "СНІД не міф - гэта цяжкая хвароба".

Да Сусветнага дня барацьбы са СНІДам для вучняў 8-х класаў Вялікабераставіцкай сярэдняй школы ў раённай бібліятэцы быў праведзены інфармацыйны дайджэст "СНІД не міф - гэта цяжкая хвароба". Бібліятэкар расказала аб гісторыі ўзнікнення хваробы, аб тым, як пазбегнуць заражэння ВІЧ-інфекцыяй, чым адрозніваецца ВІЧ ад СНІДу, ці ёсць лекі ад ВІЧ/СНІДу, што сімвалізуе чырвоная стужачка, а таксама аб тым, што кожны чалавек нясе асабістую адказнасць як за самога сябе, так і за іншых. У ходзе мерапрыемства прысутным быў прапанаваны тэст -кантроль «Што я ведаю пра хваробу?",  які дапамог разабрацца ў разнастайных сітуацыях, звязаных з хваробай. Увазе школьнікаў была прадстаўлена інфармацыйна-ілюстрацыйная выстава "За здаровы лад жыцця без СНІДу і наркотыкаў". Супрацоўнік бібліятэкі пазнаёміла дзяцей з матэрыяламі выставы, а таксама звярнула ўвагу на выдавецкія працы раённай бібліятэкі па тэме “Прафілактыка СНІДу”. У канцы мерапрыемства кожны з прысутных атрымаў па буклету “ВІЧ/СНІД”.