У рамках Тыдня памяці "Мужнасці вечны агонь" н
апярэдадні Дня Перамогі Бераставіцкая раённая бібліятэка
запрасіла малодшых школьнікаў сярэдняй школы на гістарычны экскурс “Беларусь
памятае! Маленькія героі Вялікай Айчыннай вайны”, прысвечаны памяці юных герояў-антыфашыстаў.
Вучні даведаліся пра жыццё і подзвігі дзяцей, імёны якіх увайшлі ў гісторыю
Вялікай Айчыннай вайны: Лёні Голікава, Валі Зенкінай, Зіны Партновай, Марата
Казея, Валі Коціка, Тані Савічавай. У ходзе мерапрыемства бібліятэкар правяла
агляд кніг, прадстаўленых на выставе “Летапіс Вялікай Перамогі”, і пазнаёміла
дзяцей з творамі С.Аляксеева, серыяй кніг пра піянераў-герояў, зборнікамі і ілюстраванымі выданнямі пра Вялікую Айчынную
вайну. Вучні прачыталі вершы і ўрыўкі з твораў вядомых паэтаў і
пісьменнікаў, прысвечаныя маленькім героям вайны.
