20.08.2022г. Пазнавальна-забаўляльная праграма “Пад сямейным парасонам” на бібліятэчнай пляцоўцы падчас фестывалю сямейнага адпачынку “Family Fest” у аг Алекшыцы.

Бераставіцкая раённая бібліятэка імя В.М.Кавалеўскага прыняла ўдзел у фестывалі сямейнага адпачынку “Family Fest”, што па традыці прайшоў у аграгарадку Алекшыцы Бераставіцкага раёна. Супрацоўнікі бібліятэкі падрыхтавалі пазнавальна-забаўляльную праграму “Пад сямейным парасонам”.  На бібліятэчнай пляцоўцы дзейнічала выстава “Рэцэпты сямейнага шчасця”, на якой была прадстаўлена літаратура для дзяцей; працаваў “Спартыўны дворык” з аэрахакеем і настольным футболам. Бібліятэкары прапанавалі гасцям скласці рэцэпт свайго сямейнага шчасця і ўпісаць яго ў графы красворда. Юныя жыхары і госці аграгарадка актыўна ўключыліся ў гульнявую конкурсную праграму “Куфэрак сямейнага шчасця” і ў працэс малявання на вялікім лісце атрыбутаў шчаслівай сям’і.