Міжнародны дзень
аховы помнікаў і гістарычных мясцін адзначаецца 18 красавіка. Да гэтага дня ў
Бераставіцкай раённай бібліятэцы для вучняў 6 “А” класа прайшла краязнаўчая экскурсія
“Гісторыі маўклівыя вартавыя: помнікі гісторыі і архітэктуры Бераставіччыны”.
Спачатку бібліятэкар пазнаёміла дзяцей з гісторыяй заснавання гэтай даты, затым
з гістарычнымі і архітэктурнымі помнікамі, якія захаваліся на Бераставіччыне. Былі
прадстаўлены фотаздымкі, дзеці пазнаёміліся з асаблівасцямі архітэктуры
праваслаўных і каталіцкіх храмаў Бераставіцкага раёна. У канцы мерапрыемства
супрацоўнік бібліятэкі звярнула ўвагу дзяцей на кніжна-ілюстрацыйную выставу,
на якой змешчаны выданні па гэтай тэме (у межах абласнога выставачнага праекта "Хронікі кніжных паліц" ).