Святочная праграма
"Краіна пад назвай "Дзяцінства" прайшла 1 чэрвеня ў Вялікай
Бераставіцы. Дзеці са школ раёна прынялі ўдзел у квэст-гульні «Фарбы малой
радзімы». Пераадольваць перашкоды і выпрабоўваць свае сілы каманды адправіліся
на пляцоўкі, якія размяшчаліся ў розных арганізацыях гарадскога пасёлка. Да
прыкладу, у раённай бібліятэцы іх чакала пазнавальна-забаўляльная праграма
«Планета дзяцінства пад сузор'ем дабрыні». Дзе дзеці ўспомнілі вядомых пісьменнікаў-казачнікаў
і выканалі заданні гульні-віктарыны: «Казачная галаваломка», «Бюро знаходак», «Пішу вершы сам» і інш.
