У раённай
бібліятэцы імя В.М. Кавалеўскага прайшла літаратурная віктарына «Казачная
краіна». Мерапрыемства наведалі навучэнцы атрада «Всезнайки» прышкольнага
лагера «Дружба» Вялікабераставіцкай сярэдняй школы. Разам з бібліятэкарам
наведвальнікі адправіліся ў падарожжа па дзіўным свеце казак. Дзецям былі
прапанаваны загадкі па казках, прайшлі такія конкурсы, як: «Дапоўні
імя героя», «Хто тут жыве?», «Хто даў карысную параду», «Па апорных словах
угадай казку» і іншыя. Дзеці лёгка справіліся з усімі заданнямі. Напрыканцы
мерапрыемства юныя чытачы з задавальненнем прынялі ўдзел у інсцэніроўцы казкі
«Рэпка». Сустрэча атрымалася цікавай, вясёлай і пазнавальнай.
