Літаратурная вандроўка "Прыгоды хатніх жывёл на
старонках кніг" паклікала ў чарговы раз удзельнікаў аматарскага аб'яднання
"ЗНАЙКА" на адкрытае пасяджэнне, што прайшло ў філіяле
"Малабераставіцкая інтэграваная сельская бібліятэка". Праз гульні, загадкі і
конкурсы дзеці даведаліся шмат цікавага пра хатнія жывёлы, пазнаёміліся з
кніжкамі пра іх прыгоды, падзяліліся гісторыямі пра сваіх гадаванцаў. Крыху пафантазіравалі і размалявалі,
кожны на свой густ, хатніх жывел, а потым ўсе разам паспрабавалі злажыць з
канструктара фігурку хатняга звярка.Атрымалася весела і цікава.
