24 лістапада, на чарговым пасяджэнні аматарскага аб’яднання “Экалагічны буквар”, бібліятэкар раённай бібліятэкі імя В.М.Кавалеўскага правяла экалагічную віктарыну “Загадкі прыроды”. Удзельнікам мерапрыемства была
прадстаўлена магчымасць пазнаёміцца бліжэй з цікавымі кнігамі па экалогіі – пра
жывёл і расліны, пра насякомых і дыназаўраў і многае іншае. Дзеці з
задавальненнем прынялі ўдзел у віктарынах “Чамучка”, “Экалагічныя задачы”,
конкурсах “Характар братоў меншых”, “Прыродныя з’явы”, “У свеце раслін” і іншых.
Удзельнікі не толькі паспяхова спраўляліся з заданнямі, але і адкрылі шмат
новага і цікавага пра прыроду. У завяршэнне мерапрыемства дзеці падзяліліся
сваімі ідэямі і думкамі аб тым, як захаваць і палепшыць навакольны свет.