Лета - гэта выдатная
пара, гэта смех, усмешкі і проста добры настрой. А яшчэ лета - гэты час чытаць! 11 ліпеня бібліятэкар філіяла
“Пагранічная сельская бібліятэка” запрасіла мясцовых хлопчыкаў і дзяўчынак
наведаць літаратурнае бюро знаходак “Я чытаю. Ты чытаеш”, каб з карысцю
запоўніць свой вольны час: даведацца пра нешта новае, невядомае, праявіць
творчае ўяўленне, проста пагартаць любімыя часопісы. Дзеці з задавальненнем
прінялі ўдзел у цікавых конкурсах: “Адгадай героя па рэпліцы”, “Згубілася
рыфма”, “Бліц-апытанне”, “Пашумім”, “Літаратурны кракадзіл”. Да ўвагі дзяцей
быў прадстаўлены літаратурны вернісаж “Што чытаем гэтым летам мы раскажам без
сакрэтаў”. У дні летніх канікулаў бібліятэка актыўна вядзе рэалізацыю праграмы
летняга чытання для дзяцей і падлеткаў.