У філіяле
“Масалянская інтэграваная сельская бібліятэка-клуб” прайшла відэавіктарына
“Прыгоды з любімымі героямі”. Бібліятэкар прапанавала юным чытачам здзейсніць
падарожжа па старонках кніг і пабываць у гасцях у любімых герояў. Віктарына
ўяўляла сабой некалькі тураў. Дзеці актыўна адгадвалі казкі і казачных персанажаў,
праходзячы па станцыях: «Падарожжа ў Лукамор'е», «Загадкавая. Пытанні Ката
Вучонага», «Падкажы слоўца», «Збяры карцінку», «Знайдзі слова», «Шыфроўка», і
прадэманстравалі выдатныя веды казак. Дзеці з задавальненнем удзельнічалі ў
віктарыне, былі актыўныя і эмацыйныя ў пазнаванні казачных прадметаў і герояў. Было весела, шумна і цікава! Вядома ж, тых, хто прайграў не было - перамагла
дружба. Пад канец мерапрыемства дзеці паглядзелі свае любімыя казкі і мультфільмы.