Жыжаль Іван Мацвеевіч
(1904
– 1982)
Герой Сацыялістычнай Працы (1964), заслужаны будаўнік
БССР (1962). Нарадзіўся ў 1904
г . у в. Сыраежкі. Вучыўся ў Кватарскай школе, скончыў
Беларускі політэхнічны інстытут (1935). Працоўную дзейнасць пачаў у 1921 г . на чыгуначнай
станцыі Мінск: рознарабочы, слесар, машыніст дэпо. У 1935 — 1938 гг. — прараб,
інжынер-канструктар Белдзяржбуда, у 1938 — 1941 гт. — дырэктар інстытута
«Белпрампраект». Удзельнік Вялікай Айчыннай вайны. У пачатку Вялікай Айчыннай вайны з'ехаў з Мінска ў Смаленск, адкуль і быў
прызваны ў армію. Удзельнічаў у баях Вялікай Айчыннай вайны. Пасля
вызвалення Мінска Жыжаль быў звольнены з Узброеных Сіл і прызначаны спачатку
інструктарам будаўнічага аддзела ЦК КПБ (1944-1946 гг.), а затым — загадчыкам
аддзела будматэрыялаў Дзяржплана БССР. У 1946 — 1951 гг. працаваў у
Савеце Міністраў БССР, у 1951 — 1953 гг. — начальнік Галоўнага ўпраўлення па
будаўніцтве Мінска. У 1953—1955 гг. —
намеснік міністра гарадскога і сельскага будаўніцтва БССР, у 1955—1959 гг. —
міністр прамысловага будаўніцтва БССР. У 1970 г . выйшаў на пенсію.
Пражываў у Мінску. Памёр 18 сакавіка 1982 г ., пахаваны на Усходніх могілках Мінска. У 1994 г . у Мінску на доме на
рагу вуліцы Захарава і Вайсковага завулка, дзе жыў Жыжаль, была ўсталявана
мемарыяльная дошка. Заслужаны будаўнік БССР, Ганаровы грамадзянін
Мінска. Быў узнагароджаны двума ордэнамі Леніна, двума ордэнамі «Знак Пашаны»,
ордэнам Чырвонай Зоркі і шэрагам медалёў, у т. л. «За адвагу», «За абарону
Масквы».
Бібліяграфія:
1. Пацэнка, М. І. Міністр Іван Жыжаль з Сыраежак (Іх іменамі названы
вуліцы Бераставіччыны) / Мікалай Пацэнка. – Вялікая Бераставіца. — 2007. – С.
12.
2. Долготович, Б. Д. Почетные граждане белорусских городов / Б. Д.
Долготович. — Минск, Беларусь. — 2008.
3. Иван Жижель – Минск и Минчане – БелТА: [Электронный ресурс]. URL: http // minsk950.belta.by/zhizhel. — Дата доступа: 12.04.2020.
4. В честь Ивана Жижеля // Республиканская строительная газета.— 2014. – 22
сентября.
5. Гутаров, В.
Судьба моей семьи в судьбе моей страны / Виктор Гутаров // БеларусМТЗ
обозрение. — 2010. – 4 июля.
6. Косенко, А. Он был коммунистом ленинского призыва / Александр Косенко //
Коммунист Беларуси. — 2014. — № 24(13 июня).
7. Иван Жижель – Минск и
Минчане – БелТА: [Электронный
ресурс]. URL:
http // minsk950.belta.by/zhizhel. — Дата доступа:
13.04.2020.