Якаўчук Віктар Іванавіч

(24.05.1959, в.Верхаўляны) – навуковец, кандыдат тэхнічных навук, доктар гістарычных навук, акадэмік Беларускай інжынернай акадэміі (2002), член-карэспандэнт Акадэміі ваенных навук Расіі (2011), палкоўнік запаса. З сялянскай сям’і. З 1966 па  1976 гг. вучыўся ў Малабераставіцкай сярэдняй школе. Закончыў Далёкаўсходняе вышэйшае агульнавайсковае каманднае вучылішча імя Маршала Савецкага Саюза Ракасоўскага (1983, г. Благавешчанск), Вышэйшую інжынерную пажарна-тэхнічную школу МУС СССР (1989 г., г. Масква), аспірантуру Беларускай дзяржаўнай палітэхнічнай экадэміі (2002), дактарантуру Беларускага дзяржаўнага педагагічнага ўніверсітэта імя Максіма Танка (2006).  Праходзіў службу на афіцэрскіх пасадах ва Узброеных сілах СССР. У 1989-1993 гг. выкладчык у Тальяцінскім вышэйшым ваенна-будаўнічым камандным вучылішчы. З 1993 па 2001 гг. працаваў у Камандна-інжынерным інстытуце МНС Беларусі выкладчыкам, старшым выкладчыкам, дацэнтам, намеснікам начальніка вучэбнага аддзела, намеснікам начальніка інстытута (прарэктарам) па вучэбнай рабоце, першым намеснікам начальніка (першым прарэктарам) інстытута. З 2001 г. у цэнтральным апараце МЧС Рэспублікі Беларусь (начальнік аддзела, начальнік упраўлення). З 2005 г. – дацэнт кафедры тэорыі і практыкі дзяржаўнага кіравання Акадэміі ўпраўлення пры Прэзідэнце Рэспублікі Беларусь. У 2009-2013 гг. загадчык кафедры тэорыі і практыкі дзяржаўнага кіравання факультэта падрыхтоўкі Інстытута дзяржаўнай службы Акадэміі ўпраўлення пры Прэзідэнце Рэспублікі Беларусь. За шматгадовую і бездакорную службу ўзнагароджаны 10 медалямі і 3 нагруднымі знакамі Міністэрства унутраных спраў. Аўтар болей за 130 навуковых публікацый, у тым ліку адной манаграфіі. Тэма яго навуковых прац - даследаванне гістарычнага попыту развіцця сістэмы дзяржаўнага кіравання і яго прымяненне ў сучаксных умовах.

Навуковыя публікацыі:

1. Яковчук, В. Гидравлические сопротивления гибких трубопроводов противопожарного водоснабжения: Дис. на соиск. учен. степ. канд. техн. наук: 05.23.04: 22.12.2000: 16.05.2001 / Бел. гос. политехн. акад. — Мн., 2000.
2. Яковчук, В. Государственное управление: пособие: для студентов учреждений высшего образования специальностей 1-26 01 03 "Государственное управление и экономика", 1-26 01 02 "Государственное управление и право": в 3 ч. / В. И. Яковчук. — Минск : Академия управления при Президенте Республики Беларусь, 2011—2015.
3. Яковчук, В. Становление и развитие системы государственного управления предупреждением и ликвидацией чрезвычайных ситуаций в Республике Беларусь / В. И. Яковчук // Научные труды Республиканского института высшей школы. — 2015. ― Вып. 15, ч. 1. ― С. 220―227.
4. Яковчук, В. Теория и практика государственного управления: история развития: пособие: для студентов учреждений высшего образования специальностей 1-26 01 02 "Государственное управление и право", 1-26 01 03 "Государственное управление и экономика", 1-26 03 01 "Управление информационными ресурсами" / В. И. Яковчук. — Минск : Академия управления при Президенте Республики Беларусь, 2016. — с. 164.
5. Яковчук, В. Развитие и функционирование системы пожарной безопасности в Беларуси (XIX—XX вв.): автореферат диссертации на соискание ученой степени доктора исторических наук: 07.00.02 / Яковчук Виктор Иванович. — Минск, 2008. — с. 37 .