Нарадзілася ў сям’і трактарыста Владка і Наталлі Жывіцы
26 снежня 1958 г .
у в. Крывое Сяло Ляхавіцкага раёна Брэсцкай вобласці. У 1973 годзе скончыла Малагарадзішчанскую
васьмігадовую школу Ляхавіцкага раёна. З верасня 1973 г .стала навучэнкай
аддзялення пачатковага навучання Пінскага педагагічнага вучылішча імя А. С.
Пушкіна. Спецыяльнасць па дыплому – настаўнік пачатковых класаў, старэйшы
піянерскі важаты. У 1975 г .
спявала у харавой групе народнага ансамбля песні і танца "Палескія
зоры". Некалькі разоў гастралявала з ансамблем за мяжой у якасці салісткі.
З 1977 г .
працавала ў розных установах адукацыі Брэсцкай і Мінскай абласцей. У 1985 годзе
скончыла завочны факультэт Белдзяржуніверсітэта імя У. І. Леніна (філалагічнае
аддзяленне), спецыяльнасць па дыплому філолаг, выкладчык беларускай і рускай
мовы і літаратуры. З 1989 г .
пераехала ў Гродзенскую вобл., дзе працавала выхавальнікам дзіцячага садка, настаўнікам,
а з 1995 г .
— намеснікам дырэктара па вучэбна-выхаваўчай рабоце масалянскай сярэдняй школы,
з 2013 г .
— настаўнікам той жа школы. Шмат гадоў кіравала вучнёўскім драматычным гуртком,
які стаў лепшым у раёне. У 2005-м годзе ўдзельнічала ў фестывалі "лідар
пазашкольнага выхавання". Заняла першае месца ў вобласці, стаўшы лідэрам.
Яе аўтарская праграма працы гуртка "Праз прыгажосць дасканаласці"
была надрукавана ў часопісе "Пазашкольнае выхаванне" № 2 за 2005 г . З двухтысячнага года
стала актыўна друкавацца. Вершы Галіны
Румак неаднаразова друкаваліся ў "Настаўніцкай газеце"," Нашай
ніве"," Краязнаўчай газеце", штотыднёвіку "Літаратура і
мастацтва", часопісе "Роднае слова", Ляхавіцкай, Бераставіцкай і
Ваўкавыскай раённых газетах. Адначасова выступала ў "Настаўніцкай
газеце", часопісе “Беларуская мова літаратура” з метадычнымі напрацоўкамі.
У 2011 г
у Гродзенскай друкарні выйшаў зборнік вершаў "Вачыма берасцянкі". У
2014 годзе выйшла ў свет кніга Галіны Румак "Масаляны праз смугу
стагоддзяў".
Нягледзячы на…
Ён некалі прыйдзе, прызначаны дзень,
што стане падзеяй між іншых падзей –
і ў сэрцы зімою настане вясна…
Дзякую, лёс мой, нягледзячы на…
Што даў наталіцца каханнем і болем,
шукаць і знайсці, і застацца сабою,
што добра вядома сяброўства цана,
дзякуй, мой лёсе, нягледзячы на…
За шчасце і слёзы, за горыч і смех,
за спёку і лівень, за сонца і
снег,
за ўсё, што ўжо выпала зведаць спаўна,
дзякую долі, нягледзячы на…
За тое, што сталі дарослымі дзеці,
за ночы без сну, і за сны на дасвецці,
за стому ў рабоце з відна да цямна
шчыры мой дзякуй, нягледзячы на…
За водар лясны, за шаўкі мурагу,
за тое, што я ўжо змагла і змагу,
што спее на полі маім збажына,
дзякуй вялікі, нягледзячы на…
За ўчора і заўтра, бясконцасць дарог,
за сілу, што даў мне бацькоўскі парог,
хоць вымавіць нехта: - Якога ражна
тут дзякаваць лёсу, нягледзячы на?..
А я запярэчу: - Удачы не знаць,
як лёсу дазволіць сябе шкадаваць.
У поспеху перадумова адна:
устояць у бойцы з “нягледзячы на …”
Дык дзякуй, жыццё, за тваю паўнату,
за слодыч быцця і за гаркату.
То вып’ем напоўнены келіх да дна
За ўсё, што завецца “нягледзячы на…”
Бібліяграфія:
Артыкулы Галіны Румак
1. Жывіца,
Г. Белакапытнік / Галіна Жывіца // Бераставіцкая
газета. — 2015. — 1 верасня (№ 69). —
C. 5.
2. Жывіца,
Г. Карабель багародзіцы// Бераставіцкая газета. —
2015. — 1 верасня (№ 69). — C. 5.
3. Румак, Г. Алекшыцкі вучань Серафім Гмір выступіў на міжнароднай
навуковай канферэнцыі ў Казані / Галіна Румак // Бераставіцкая газета. — 2018.
— 17 октября. — С. 7.
4. Румак,
Г. Будзем вернымі роднаму слову / Галіна Румак // Бераставіцкая газета. - 2016.
— 13 снежня (№ 97).
— С. 5.
5. Румак,
Г. Восень танцуе фламенка / Галіна
Румак // Бераставiцкая газета. — 2007. — 6 лістапада (№
86). — C.7.
6. Румак,
Г. Ганарацца ёю / Галіна Румак // Бераставіцкая
газета. — 2006. — 13 мая (№ 35). — С. 5.
7. Румак, Г. Ігнацій Якуб Масальскі – біскуп Віленскі / Галіна Румак //
Бераставіцкая газета. — 2017. — 26 марта. — С. 10.
8. Румак,
Г. Імкніцеся за вераю паэтаў / Галіна Румак // Бераставіцкая
газета. — 2008. — 19лютага (№ 14). — C.6.
9. Румак,
Г. Калегам : паэзія / Галіна Румак // Бераставіцкая газета. - 2018. — 19 мая (№
39). — С. 9.
10. Румак. Г. Масаляны – крыніца натхнення Адольфа Дыгасіньскага /
Галіна Румак // Бераставіцкая газета. — 2014. — 23 мая. — С. 8.
11. Румак, Галіна
Уладзіміраўна. Масаляны праз смугу стагоддзяў: старонкі гісторыі / Г.У.Румак. -
Слонім : Слонімская друкарня, 2014. — 256 с.
12. Румак,
Г. На роскрыжы стагоддзяў і шляхоў // Бераставіцкая
газета. — 2009. — 11 ліпеня ( № 53). — С. 6. (
Працяг. Пачатак у №№ 36, 40, 47).
13. Румак,
Г. Паэтычныя традыцыі / Галіна Румак // Бераставіцкая
газета. — 2008. — 2 лютага (№ 9). — C.2.
14. Румак, Г. Роздум каля масалянскай брамы / Галіна Румак //
Бераставіцкая газета. — 2017. — 30 сентября. — С. 7.
15. Румак,
Г. Слово об учителе / Галина
Румак // Бераставіцкая газета. — 2011. —
22сакавіка (№ 22). — C.3.
16. Румак, Г. Таямніца Масалянскай капліцы / Галіна Румак // Бераставіцкая
газета. — 2012. — 16
марта. — С. 6.
17. Румак,
Г. Урывак з трыпціха "Бераставіца" / Галіна Румак //
Бераставіцкая газета. — 2015. — 10 кастрычніка (№ 80). —
C. 8.
Артыкулы пра Галіну Румак
1. В Гродно прошел областной фестиваль поэзии среди
учителей // Бераставіцкая газета. — 2016. — 3 октября. — С. 6.
2. Ганчарова, С. Высокая планка Галіны Жывіцы / Святлана
Ганчарова // Бераставіцкая газета. — 2012. — 6 марта. — С. 8.
3. Курчицкая, Е. Галина Живица – победитель областного
фестиваля «Поэзия – души движение» / Елена Курчицкая // Бераставіцкая газета. —
2018. — 17 декабря. — С. 10.
4. Перапечка, Н. Ляхавічане сустрэліся з творчымі
зямлячкамі / Наталля Перапечанка // Ляхавіцкі веснік. — 2012. — 2 лістапада. — С. 7.
4. Чикун, В. В Берестовице состоялась презентация книги Галины Румак
«Масаляны праз смугу стагоддзяў» / Валентина Чикун // Бераставіцкая газета. — 2015.
— 29 мая. — С. 11.