Канстанцін Сяргеевіч Заслонаў

Канстанцін Сяргеевіч Заслонаў
(7.01.1910-14.11.1942)


Адзін з арганізатараў і кіраўнікоў партыйнага падполля і партызанскага руху ў Віцебскай вобласці ў Вялікую Айчынную вайну, Герой Савецкага Саюза (1943). Скончыў прафесіянальна-тэхнічную школу ў Вялікіх Луках (1930). З 1939 г. начальнік паравознага дэпо ст. Орша. У верасні 1941 г. у Маскве сфарміраваў з чыгуначнікаў партызанскі атрад, у кастрычніку перайшоў з ім лінію фронту, уладкаваўся на працу ў Аршанскае дэпо. Стварыў і ўзначаліў некалькі дыверсійных груп, якія разам з падпольнымі групамі Аршанскага патрыятычнага падполля паралізавалі работу чыгуначнага вузла. З лютага 1942 г. камандзір партызанскага атрада, з ліпеня 1942 – брыгады. Арганізаваў дыверсіі на чыгунцы, узначальваў баявыя дзеянні супраць ворага на тэрыторыі Аршанскага, Лёзненскага, Сенненскага і інш. раёнаў. Загінуў у час Купавацкага бою 1942 г.

Бібліяграфія:
1. Заслонаў Канстанцін Сяргеевіч // Беларуская энцыклапедыя: у 18 т. Т.6 / Рэдкал.: Г.П.Пашкоў і інш. – Мн.: БелЭн, 1998. – С.548.
2. Заслонов Константин Сергеевич // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
3. Збор помнікаў гісторыі і культуры Беларусі. Віцебская вобласць / АН БССР, Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш.— Мн.: Беларус. Сав. Энцыклапедыя, 1985,— 496 с.
4. Бровка, П. Заслонов Константин Сергеевич / П.У. Бровка // Навечно в сердце народном. – 1977. – С. 161.
5. Диверсионно-боевая деятельность подпольщиков // Всенародная борьба в Беларуси против немецко-фашистских захватчиков. – 1983. – С. 153155.
6. Памяць: Гіст-дакум. Хроніка Оршы і Аршанскага раёна: У 2 кн.. Кн.1. Рэд.кал.: Г.П. Пашкоў (гал. Рэд.) і інш.; Маст. Э.Э. Жакевіч. – Мн.: БелЭн, 1999. – 384 с.: іл.
7. Иванов, В. Константин Заслонов / Всеволод Иванов [Электронный ресурс] // Молодая гвардия  https://www.molodquard.ru/heros 190. htm. — Дата доступа: 12.05.2020.