За 0,5 км на ўсход ад вёскі, на ўзгорку ў полі. Пабудавана ў 19 ст. з
цэглы. Пасля 1864 г. перададзена праваслаўным. Вернута католікам у 1992 г.
Пасля Вялікай Айчыннай вайны закрыта. Адноўлена ў 1990-я гг.
Помнік архітэктуры класіцызму. Вырашаны прамавугольным у плане аб’ёмам пад
2-схільным дахам, завершаным на фасадзе драўлянай 4-граннай шатровай
сігнатуркай. Бакавыя фасады рытмічна расчлянёны высока ўзнятымі арачнымі
аконнымі праёмамі. Фасад завершаны трохвугольным усечаным франтонам, па восі
прарэзаны прамавугольным уваходным праёмам і лучковым акном над ім.
Унутры зала перакрыта плоскай атынкаванай столлю, падлога выкладзена
керамічнай пліткай. Цэнтральны драўляны алтар вырашаны ў стылі неакласіцызму, у
цэнтры абраз св. Ганны. Злева на сцяне абраз Найсвяцейшага Сэрца Дзевы Марыі,
справа — Найсвяцейшага Сэрца Ісуса.
Побач з касцёлам у пачатку 21 ст. пастаўлена капліца “Грот Марыі” з
бутавага каменю. Твор народнага дойлідства. Вырашана бутавым гротам з арачнай
нішай-экседрай у верхняй частцы франтальнага фасада, у якой пастаўлена гіпсавая
паліхромная скульптура Маці Божай.
Бібліяграфія: