Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

Ганна Гарбачэўская


Ганна Іванаўна Гарбачэўская працавала каля дваццаці год маляром у ПМК-141, а затым працавала прыбіральшчыцай у гаргазе. Вязанне кручком для Ганны Іванаўны — справа душы і адпачынак. А яе творы выклікаюць захапленне і дораць радасны настрой.
Карункі з нітак зачаравалі Г.І.Гарбачэўскую яшчэ ў дзяцінстве. Вязанню кручком яна навучалася ў сваёй цёткі Уладзі, бацькавай сястры. Уладзіслава Андрэеўна Майкоўская адмысловая майстрыха, яна хораша вышывала, ткала, шыла, вязала кручком і пруткамі. Ад яе Ганна Іванаўна пераняла асновы вязання карункаў і з таго часу ўсё сваё жыццё займаецца гэтым даўнім народным дэкаратыўна-прыкладным мастацтвам. Сама прыдумвае ўзоры, сама падбірае колеры. Звязаць падвазонніцу ці дарожку займае ў яе два-тры вечары. Больш складаныя рэчы, безумоўна, патрабуюць больш часу. Ганна Іванаўна аздабляла карункамі абрусы, навалачкі, прастыні, накідкі на падушкі, прадметы дэкору, цацкі.


Бібліяграфія:

1. Ганчарова, С. “Карункавы калейдаскоп” Ганны Гарбачэўскай / Святлана Ганчарова // Бераставіцкая газета. — 11.04.2014 г.
2. Зянько, С. Гран-пры рэгіянальнага свята-конкурсу “Саламяны павук” у Валожыне / Сяргей Зянько // Край. By. —  19.10.2016 г.