Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.
         

01.04.2017г. Спартыўныя спаборніцтвы па валейболу “Мы - за здаровы лад жыцця”

На пагранічная заставе “Сямёнаўка” прайшлі спартыўныя спаборніцтвы па валейболу паміж удзельнікамі аматарскіх аб’яднанняў “Юны сябар пагранічніка”, якія дзейнічаюць пры філіяле “Лішкаўская сельсая бібліятэка” і філіяле па культурна-досугавай дзейнасці аг. Макараўцы і ваенаслужачымі пагранічнай заставы.

Адкрылася мерапрыемства прывітальнымі словамі і пажаданнем камандам поспехаў і ўдачы. Распачаліся спаборніцтвы на высокай ноце аптымізму, бадзёрасці і імкнення кожнай каманды да перамогі. У выніку спаборніцтваў перамагла дружба. Усіх жадаючых запрасілі на салодкі стол. Дзяўчаты ў якасці падарунка спяклі вялікі торт і пачаставалалі ім ваенаслужачых. За кубачкам кавы абмеркавалі найбольш яскравыя моманты гульні. І на заканчэнне адбылася дыскатэка.