Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.
         

Інфармацыйны тыдзень: “Гаворым і чытаем па-беларуску”

З 11 па 17 верасня ў філіяле “Пагранічная сельская бібліятэка” праходзіць інфармацыйны тыдзень: “Гаворым і чытаем па-беларуску”. На працягу тыдня ў бібліятэцы дзейнічае кніжная выстава: “Беларуская кніга – гэта цікава”, прайшла акцыя: “Рускай мове дай разгрузку – размаўляй па – беларуску”. 14 верасня на літаратурную гадзіну “Асветнікі зямлі беларускай” былі запрошаны вучні 7 класа з іх класным кіраўніком. У ходзе мерапрыемства дзеці даведаліся пра гісторыю паходжання беларускай мовы, пазнаёміліся са славутымі мясцінамі гарадоў – сталіц пісьменства і іх знакамітымі людзьмі. Напрыканцы мерапрыемства адбылася інтэлектуальная гульня “Чытаем і гаворым па-беларуску”.